Qeveria e Kosovës ka vendosur një sërë masash të reja, me qëllim të parandalimit të përhapjes së koronavirusit.
Qeveria e Kosovës vendosi që mbajtja e maskave, do të jetë e detyrueshme për qytetarët, ndërsa personat e moshuar do të kenë orar të caktuar se kur mund të lëvizin.
Ekzekutivi po ashtu ka vendosur që qytetarët që hyjnë në Kosovë nga Maqedonia e Veriut, Bosnjë e Hercegovina dhe Mali i Zi, duhet të prezantojnë një test negativ për koronavirus, jo më të vjetër se 72 orë.
Po ashtu, në këtë mbledhje është vendosur orari i kufizimit të lëvizjes për qytetarët në Komunën e Mitrovicës së Jugut, Gjilanit, Fushë Kosovës dhe Shtërpcës. Orari i ndalimit të qarkullimit do të hyjnë në fuqi më 13 korrik, duke filluar nga ora 21:00 deri në orën 05:00.