Interi ia del të kthehet te rezulatet pozitive teksa mposht në shtëpi me rezultatin 3-1, Torinon. Edhe këtë herë të besuarit e trajnerit Antonio Konte nuk e patën të lehtë, pasi pjesën e parë e mbyllën në disavantazh teksa pësuan nga Andrea Beloti. Megjithatë, në 45 minutat e dyta, Interi bëri një autokritikë dhe shënoi tre herë duke përmbysur shifrat.
Kështu, Jang vendosi sfidën në ekuilibër, ndërsa Godin realizoi golin e avantazhit. Për të vendosur pikët në kasafortë mendoi Lautaro Martinez që gjeti golin pas një periudhë të gjatë thatësire.
Pas kësaj sfide, Interi ngjitet në vendin e dytë në të njëjtën kuotë pikësh sa Lacio, 68, tetë pikë larg Juventusit kryesues.