Belgjika mesa duket ka fituar betejën me sëmundjen vdekjerprurëse me pandeminë e Covid-19. Sipas autoriteteve vednase së fundmi nuk është regjistruar asnjë viktimë me Koronavirus kështu numri në total i të vdekurve mbetet 9,787 njerëz. Belgjika është një nga vendet e goditura nga pandemia ku nga të gjitha vendet e botës është e 12-ta në listë për numrin e lartë të të infektuarve dhe të vdekurve.
Me një popullsi prej 11.5 milionë banorësh, Belgjika ka nivelin e dytë të vdekshmërisë më të lartë në botë për 100,000 njerëz, sipas Universitetit Johns Hopkins, me seli në SHBA.
Sidoqoftë, krahasimet me vendet e tjera mund të jenë disi mashtruese, pasi disa besohet se nuk i kanë raportuar shifrat e vërteta të të infektuarve dhe viktimave. Më 14 mars, Belgjika vendosi masat e izolimit për të parandaluar përhapjen e koronavirusit të ri. Deri më tani Belgjika ka regjistruar gjithsej 62,781 raste me koronavirus.