Siçilia është përfshirë sot nga një stuhi e fortë e cila ka krijuar një situatë dramatike edhe në Palermo të Italisë.
Sot ishte dita e festës së Santa Rosalia (zonja e qytetit), por një përmbytje e madhe si pasojë e reshjeve të shiut të cilat zgjatën për më shumë se 3 orë, krijoi kaos.
Mediat italiane raportojnë se dy persona që mbetën të bllokuar në makinën e tyre humbën jetën. Makina u mor nga rrjedha e ujit dhe ata nuk mund të dilnin, zhytësit erdhën me vonesë. Ndërkaq, dy fëmija ndodhen në spital me hipotermi.
Në videot e publikuara shihet njerëzit që braktisin makinat e tyre dhe notojnë për të shpëtuar jetën e tyre. Zjarrfikëset ishin të shumta në zonat problematike dhe mundën të evakuonin shumë qytetarë që kishin ngecur.
Skena paniku përgjatë unazës së qytetit. Një vajzë mbeti e mbërthyer në makinën e saj në rrugën “Imera” dhe u desh ndërhyrja e zhytësve të zjarrfikësve për ta shpëtuar.