Këshilli politik, tashmë me një formulë të re përfaqësimi, do të mblidhet të hënën në orën 11, për të diskutuar mbi tri çështje që u hapen për diskutim nga opozita parlamentare dhe partia socialiste pas marrëveshjes së 5 qershorit, hapjen e listave, heqjen e koalicioneve parazgjedhore dhe ndryshimin e pragut.
I pranishëm në këtë takim do të jetë dhe kryeministri Edi Rama.Por pavarësisht mbledhjes, deputeti Lefter Maliqi i qëndron sërish marrëveshjes së arritur më 5 qershor me ndërmjetësimin e ndërkombëtarëve.
Maliqi shprehet se Këshilli Politik është aktrimi i rradhës i Edi Ramës. Deputeti beson tek fitorja e opozitës së bashkuar duke u shprehur se Rama do të ketë një fund të hidhur.
“Këshilli Politik ka mbaruar punë që më datë 5 qershor në rezidencën amerikane. Atë marrëveshje që e firmosën dhe ambasadorët e BE-së dhe ShBA. Shqiptarët janë në verën e ardhshme me një fitore spektakolare të opozitës së bashkuar. Të gjitha nismat e tjera me regji të beut të Surrelit dhe me porosi të kryera nga kryetari i grupit parlamentar të PS-së, për të përdorur opozitën e re e cila tashmë mbi 20 deputetë kanë qenë në të gjitha pro të gjitha nismave antiligjore të Rilindjes. Nesër është aktrimi i rradhës i këtij njeriu i cili është fatkeqësi kombëtare. Ky njeri do iki me një fund të hidhur.’-tha Maliqi.
Gjithashtu Lefter Maliqi tha se Rama është një faktor për varfërimin e Shqipërisë dhe se e ka bërë me qëllim. Kjo pasi sipas tij, Rama e ka më të lehtë për të blerë votat e shqiptarëve në zgjedhjet e ardhshme.