Shtatë prej tetë adoleshentëve të akuzuar për përdhunimin e një 13-vjeçareje në Kavajë kanë dalë sot para gjykatës. Djemtë, të moshave 14-16 vjeç kanë pohuar ngjarjen e rëndë, ku kanë pranuar se kanë abuzuar me të miturën. Ata kanë thënë se e merrnin vajzën në shtëpi.
Adoleshentja, nxënëse në shkollën “Rilindja” të Kavajës, prej disa muajsh kishte rënë pre e abuzimeve seksuale, por pasi e zbuluan prindërit se çfarë po ndodhte kanë bërë kallëzim në polici. Një prej djemve është shpallur në kërkim.
Në dyert e Gjykatës kanë qenë dhe prindërit e të arrestuarve, ku mësohet se nënës së njërit prej tyre i ka rënë të fikët.
Ngjarja e rëndë shokoi opinionin publik. Djemtë akuzohen për marrëdhënie seksuale me të mitur. Vajza kishte qënë e lidhur me njërin prej djemve, i cili më pas e kërcënonte me video e foto intime, duke e detyruar të kryente marrëdhënie me ta në kohë të ndryshme.