Një paciente e prekur me Covid-19 në Klinikën Infektive në Prishtinë ka ndërruar jetë ditën e sotme.
Lajmin e bëri të ditur Drejtoresha e Shëndetësisë në Suharekë, Besa Kuqi në një postim në rrjetet sociale ku ka thënë se viktima kishte edhe sëmundje të tjera shoqëruese.
Tashmë numri i viktimave për shkak të Covid-19 që nga fillimi i pandemisë deri më tani ka shkuar në 165 raste.
Më poshtë gjeni shkrimin e plotë të drejtoreshës:
Me keqardhje ju njoftoj nga Klinika Infektive në Prishtinë, se ka ndërruar jetë i prekura me sëmudjen COVID-19, Kimete Morina nga Samdraxha. E ndjera kishte probleme dhe sëmundje të tjera shoqëruese. Ju shpreh ngushëllimet e mia më të sinqerta familjes të së ndjeres nga Samdraxha, në këto momente të rënda të dhimbjes dhe pikëllimit! Ju lutem, respektoni masat mbrojtëse dhe kujdesuni për veten dhe familjen. Virusi eshte kudo ai është i panjohur dhe lufta ndaj tij po bëhet e vështirë. Por, nuk guxon të na mund, bashkë mund ta përballojmë edhe këtë situatë.