Mijëra besimtarë muslimanë falën namazin e xhumasë ditën e sotma për herë të parë pas 86 vitesh në Katedralen e Shën Sofisë, e kthyer në xhami dy javë më parë nga presidenti turk, Rexhep Tayyip Erdogan. Mirëpo falja e ditës së sotme ka pasur reagime të shumta e kryesiht nga Greqia.
Sipas mediave të huaja në të gjitha kishat e Greqisë gjatë momentit së faljes së namazit binin kambana zie ndërsa u organizuan rituale të veçanta dhe flamujt u ulën në gjysmë shtizë.
Në kishat në Selanik dhe Patras u organizuan rituale të veçanta me flamuj bizantinë dhe grekë. Po ashtu u zhvilluan lutje të Shën Marisë për “shpëtimin” e Xhamisë së Madhe të Shën Sofisë.
Ndërkohë të gjitha kanalet televizive greke në transmetimet e drejtpërdrejta nga sheshi Ajasofja komentuan: “Ditë zie për krishterët”, “Erdogan e bëri atë që tha”. Kanalet gjithashtu transmetuan drejtpërdrejtë kur presidenti Erdogan tha fjalët Kur’an-i Kerimit para se të fillonte namazi.
“Shën Sofia”, trashëgimi 1500 vjeçare e Unesco-s, u shndërrua nga muze në xhami, pasi Gjykata Administrative në Turqi vendosi që t’i anulojë statusin. Gjykata vendosi që godinë nuk do të përdoret për asgjë tjetër përveçse si xhami. Erdogan ndërkohë ka njoftuar se gjatë ditës së sotme, tre imamë do të mbajnë ligjërata në xhami. Ditën e djeshme, presidenti turk, zhvilloi një vizitë tek “Shën Sofia”, për të parë përgatitjet e fundit para faljes së sotme.