Bujar Sejdini, i njohur me nofkën ‘Xhaxhai’ i cili ra në pranga në një operacion të perbashket që u zhvillua në të njëjtën kohë në Shqipëri, Itali, Argjentinë e Costa Rica është njohur me masën e sigurisë mëngjesin e 22 korrikut, dy ditë para se policia të njoftonte arrestimin e tij.
Arrestimi i tij dhe masa e sigurisë per të janë mbajtur “top sekret”, pasi kështu ka qenë kërkesa e autoriteteve të huaja, pasi operacioni vijonte në Argjentine dhe Costa Rica.
Në dëshmine e tij para togave të zeza, Sejdini ka mohuar përfshirjen e tij në trafik droge.
Ai mësohet të jetë shprehur se ka punuar si marangoz në Laç dhe se nuk kishte lidhur me trafikun e drogës, ndërsa kërkoi lirinë me pretendimin se ishte invalid.
“Unë kam punuar si maragonz në ndërmarrjen në Laç dhe jam invalid. Gjatë jetës time kam udhëtuar 2-3 herë drejt Italisë vite më parë, ku një miku im operoi bashkëshorten e tij. Aty kam disa njerëz të njohur që kisha nga laçi, por kurrsesi nuk jam përfshirë në trafik droge.”,– ky ka qenë pretendimi i Sejdinit në gjykatë, teksa ishte në pritje të caktimit të masës së sigurisë. Thuhet se Bujar Sejdini ka marrë pjesë në blerjen e rreth 20 kg kokainë në Spanjë./BW