Ish-ministrja e Kulturës, Mirela Kumbaro, reagoi sot lidhur me takimin e zhvilluar nga kryetari i Lëvizjes Vetëvendosje në Kosovë, Albin Kurti me pedagogët në Fakultetin e Shkencave Sociale në Tiranë.
Ajo u shpreh e zhgënjyer nga lideri i Vetëvendosjes dhe tha se nuk po i besonte syve kur e pa brenda asaj që e quajti pengmarrje të mjediseve universitare.
“S’i besova syve kur pashe Albin Kurtin sot brenda pengmarrjes së mjediseve universitare, pa ia dëgjuar ndonjëherë mëndjen për ligjin e AL në Shqipëri!
Pa lidhje me vullnetet reale për tē përmiresuar pasojat e gjëmave që ka njohur bota universitare në 25 vite të shkuar e që nisëm t’i pastrojmë në 2015 së pari duke çrrënjosur qelqet e gjembat e Vitrinave bashke me part-time-et që mbytën të papunët me diploma që s’i duhen kujt!
Po fare pa lidhje!
Çfarë zhgënjimi i madh ta shohësh aq të tjetërsuar njeriun që ke vlerësuar. ”, shprehet Kumbaro.