Mjeku Pëllumb Pipero shprehet se nuk pret ndonjë mrekulli me ardhjen e vaksinës pasi ka disa faza që duhet të kalojmë.
Sipas tij mrekullia vjen nga kujdesi për t’u mbrojtur sa më mirë dhe duke respektuar distancën.
“Për mua, nuk është se presim ndonjë mrekulli me ardhjen e vaksinës. E para duhet të presim të prodhohet. Ku unë mendoj se nga fundi i vitit mund ta kemi, E dyta duhet të presim të na vijë radha. Dhe e treta duhet të shikojmë sa efikase do të jetë për imunitetin. Mrekullinë e presim nga informacioni që duhet tu japim njerëzve për situatën.
Mrekullinë e presim nga kujdesi për t’u mbrojtur sa më mirë dhe duke respektuar distancën. Vaksina është e mirëpritur por nuk pres ndonjë mrekulli të veçantë”, shprehet Pëllumb Pipero.