Ministria libaneze e Shëndetësisë thotë se 3,000 persona janë plagosur nga shpërthimi i fuqishëm në një zonë industriale në portin e Bejrutit pasditen e sotme.
Sipas të dhënave paraprake të autoriteteve libaneze, mbi 30 persona kanë mbërritur të pajetë në spital, ndërsa shumë prej të plagosurve janë në gjendje kritike.
Spitali ka deklaruar se është jashtë kapaciteteve, ndërsa Kryqi i Kuq ka bërë thirrje për dhurime masive gjaku të çdo grupi.
Qindra qytetarë kanë mbetur të bllokuar në banesat pranë zonës së shpërthimit.
Një depo që dyshohet se strehonte lëndë plasëse mori zjarr dhe më pas shpërtheu duke lëshuar një valë goditëse që shkatërroi qindra ndërtesa. Makina të përmbysura, xhama të thyer e njerëz të gjakosur kanë mbushur rrugët e qytetit pas shpërthimit.