Tre të vdekur dhe 181 të infektuar në 24 orët e fundit. Ky është bilanci i viktimave dhe të prekurve nga koronavirusi në Kosovë.
Lajmin e ka bërë të ditur Drejtori i Institutit Kombëtar të Shëndetit Publik, Naser Ramadani, në një konferencë për media.
Duke shtuar edhe ekzistuesit, numri i viktimave nga Covid-19 deri tashmë në Kosovë ka arritur në 303 persona.
Në të shumtën e rasteve, pacientët që kanë ndërruar jetë nga virusi kanë pasur sëmundje shoqëruese.