Një status në rrjetet sociale i ushtruesit të ministrit të Brendshëm i Maqedonisë së Veriut, ka alarmuar portalin e Kremlinit, Sputnik, i cili ka hapur faqen me titull të madh: “Gjuhë Shqipe në uniformat e policisë maqedonase”, sikur të bëhet fjalë për ndonjë sensacion të rangut botëror, e jo për ndonjë zhvillim tashmë të futur në shina në këtë vend shumëetnik.
Ministri i Punëve të Brendshme të Maqedonisë së Veriut, Agim Nuhu, ka publikuar një fotografi në profilin e tij në Facebook, ku shihet emblema e re e policisë maqedonase, e shkruar edhe në shqip.
Deri më tani, vetëm gjuha maqedonase dhe alfabeti cirilik janë përdorur në uniformën e policisë maqedonase, si dhe “policinë” e shkruar në anglisht.
“Nënshkruam aktet normative për emblemat e uniformave të policisë edhe në shqip (Policia e trafikut, Policia kufitare, Njësiti i helikopterëve për detyra policore, Njësiti për detyra të posaçme,… )!”, shkruan Nuhiu.
