Projekti i Unazës së Re nuk është i anulueshëm por i korrigjueshëm. Mjaft e preër ka qenë në një dalje për mediat ministria e Infrastrukturës dhe Energjisë, Belinda Balluku, referuar pikërisht projektit mjaft të përfolur i cili edhe në fundjavë shërbeu si përplasje mes presidentit Ilir Meta dhe kryeministrit Edi Rama.
Familje në mes të katër rrugëve nuk do të ketë tha ministrja, teksa tha se loti 2 dhe 3 i Unazës së re vijon sipas procedurave të miratuara.
“Prishjen e godinave që do vazhdojnë pa asnjë diferencim sipas ligjit. Vetëm pak ditë më parë baskhia e Tiranës ka kaluar 8 plane zhvillimi në këshillin e saj teknik për parcelat buzë Unazës. Ky fakt është i rëndësishëm sepse janë instrument që u japin banorëve të zonës mundësinë e zhvillimit të pronës kur janë në një shtëpi apo biznes pa dokumente. Ndërkohë kam vendosur krijimin e zhvillimin e një tryeze me bashkinë e Tiranës dhe specialistë që do të vlerësojnë në çdo aspekt teknik projektin e lotit të tretë”, tha Balluku.
Ajo bëri të ditur se i ka kërkuar ARRSH-së që çdo garë publike të organizuar nga institucioni të realizohet live para kamerave dhe publikut.