Shkollat në Greqi do të rihapin për vitin e ri më 7 shtator, pavarësisht rritjes së numrit të infeksioneve me Covid-19 në vend. Ky lajm është bërë me dije nga zëdhënësi i qeverisë Stelios Petsas ditën e sotme.
“Ne kemi një vit shkollor përpara që do të fillojë me 7 shtator. Ne do të duhet të përballojmë përsëri të njëjtat sfida themelore. Për të respektuar higjenën personale dhe masat e mbrojtjes.”- ka thënë Petsas për mediat vendase sot.
Petsas argumentoi se nëse të rriturit ruajnë distancën shoqërore, lajnë duart shpesh dhe mbajnë maskë, edhe fëmijët do të binden ta bëjnë këtë gjë.
“Ky është elementi kryesor që do të na mbrojë nga përhapja e virusit në mjedisin shkollor.”- u shpreh ai.
Ndërkohë në Shqipëri ende nuk ka një vendim lidhur me nisjen e shkollës në Shtator