Këtë pasdite, burime nga Prokuroria e Posaçme (SPAK) kanë bërë me dije se janë pushuar hetimet për kryebashkiakun e Bulqizës Lefter Alla.
Hetimet për Allën nisën pas publikimit të një video ku pretendohej se Lefter Alla po përdorte lëndë narkotike të tipit kokainë.
Kryebashkiaku i Bulqizës i mohoi këto akuza duke i shprehur se videoja ishte e montuar për ta sulmuar politikisht dhe iu nënshtrua testit të drogës.
Përgjigja e analizave doli negative, ndaj kjo ka qenë edhe arsyeja pse SPAK vendosi të pushojë hetimin për çështjen e përdorimit të lëndëve narkotike.