Presidenti i SHBA Donald Trump ka reaguar ndaj deklaratave të bashkëshortes së ish-presidentit Barack Obama, pasi ajo u pozicionua krah Joe Biden për zgjedhjet presidenciale.
Trump ka ironizuar Barack Obamën, duke i thënë Michelle Obamës se ai është sot në atë post për shkak të punëve të gabuara që ka bërë bashkëshorti i saj.
Dikush ju lutem t’i shpjegojë Michelle Obamës se Donald J. Trump nuk do të ishte këtu, në Shtëpinë e Bardhë të bukur, nëse nuk do të ishte puna e bërë nga burri juaj, Barack Obama.
Biden ishte thjesht një mendim, një arsye e mirë për atë miratim shumë të vonuar dhe të pazakontë.
Unë dhe administrata ime ndërtuam ekonominë më të madhe në histori, shpëtuam miliona jetë, ndërsa tani po ndërtojmë një ekonomi edhe më të madhe se më parë.
Punët po rrjedhin, NASDAQ tashmë është në një rekord të lartë, pjesa tjetër për t’u ndjekur”, shkruan Trump.
Gara për Presidencën e SHBA-ve është shumë e fortë, me Biden që ndodhet në avantazh në sondazhet parazgjedhore, por Trump ka treguar që di të dalë edhe mbi sondazhe, siç ndodhi në zgjedhjet e kaluara.