Thethi është padyshim një nga atraksionet më të frekuentuara turistike për vendasit dhe të huajt.
Fshati turistik i cili ndodhet ndodhet në zemër të Alpeve në zonën e Dukagjinit në Shkodër, një zonë me potenciale të mëdha, e cila për fat të keq vijon ende të përjetojë mungesën e furnizimit të duhur me energji elektrike.
Jo pak herë banorët e kanë denoncuar këtë fenomen. Ndërsa pronarët e bizneseve lokale shprehen se biznesi i tyre po dëmtohet rëndë.
Një ankesë e tillë ka ardhur në redaksinë e Tirananews.al.
Mësohet se në këtë zonë malore, prej 3 orësh ka pasur mungesë të energjisë elektrike, një dukuri shqiptare që vijon ende, madje edhe në pikun e sezonit turistik, kohë kur Thethi vizitohet nga qindra turistë, kryesisht gjermanë, çekë, polakë, etj.
