Indrit Bajraktari, 25-vjeçari që drejtonte motorin e ujit nga ku ra vajza 17-vjeçare që u gjet e mbytur në Velipojë ka folur përpara policisë.
Mësohet se ai ka deklaruar se e ka nxjerrë vajzën në breg dhe ia ka dorëzuar xhaxhait të saj.
Por kjo hidhet poshtë nga uniformat blu të cilat kanë raportuar se vajza është gjetur e mbytur rreth 800 metra larg bregut.
Bajraktari është parë nga pushuesit dhe operatorët e plazhit që i kanë dhënë motorin e ujit me qira, të dalë nga deti i vetëm nga deti.
Burime bëjnë me dije për abcnews.al se sipas ekspertizës vajza ka pësuar goditje në trup, që i janë shkaktuar nga përplasja e motorit të ujit.
17-vjeçarja nga Burreli që jetonte në Bathore kishte ardhur me pushime në Velipojë bashkë me familjen e saj.
Vajza dhe djali nuk kishin njohje të mëparshme dhe dyshohet se janë njohur gjatë pushimeve në Velipojë me anë të rrjetit social facebook./abcnews.al