Kryeministri grek, Kyriakos Mitsotakis ka njoftuar ditën e sotme se vaksina kundër Covid-19 do të jetë falas për të gjithë qytetarët grekë. Këtë lajm të mirë e ka bërë me dije ditën e sotme gjatë takimit të përditshëm për zhvillimet e koronavirusit.
“Dua të jem absolutisht i qartë, vaksina do të jetë në dispozicion falas për të gjithë qytetarët grekë. Ne ende nuk e dimë nëse do të jetë një apo nëse do të ketë më shumë. Ne nuk e dimë kur do ta kemi në dispozicionin tonë. Shpresojmë sa më shpejt e jo shumë vonë. Por sapo të kemi vaksinën në dispozicion, ajo do të jetë në dispozicion falas, për të gjithë qytetarët grekë.”– tha ai.