Një ngjarje e rëndë ka ndodhur në fshatin Nekovc të Drenasit, në Kosovë, ku djali i një personi të dënuar ka qëlluar duke të vdekur në vend një 50-vjeçar. Mediat vendase bëjnë me dije se bëhet fjalë për djalin e Shaban Sylës, të riun me iniciale L.S., babai i të cilit është dënuar për të ashtuquajturën “Bllaca 2”.
Gjithashtu nga të shtënat me armë zjarri ka mbetur i plagosur edhe babai i viktimës Q. Demiri. Nga të dhënat e deri tanishme, viktima dhe autori janë përleshur me sende të forta, dhe më pas situtata ka agravuar, duke bërë që i riu të përdori një armë tip kallashnikov.
Mësohet se Policia e Kosovës, ka identifikuar tre persona që dyshohet se kanë qënë pjesë e përplasjes dhe janë vënë në kërkim të tyre.
Po kush është babai i të riut, Shaban Syla?
Syla në dhjetor të vitit 2012 u shpall fajtor për veprën penale të vrasjes në tentativë ndaj Adem Salihut dhe u dënua me 8 vite burgim. Por, përveç kësaj emri i Shaban Sylës, është edhe në listën e plotë 51 të dyshuarve për krim të organizuar, i njohur ndryshe edhe si “Grupi i Azem Sylës”.