Një 18-vjeçar ka mbetur i plagosur gjatë natës pas një konflikti për motive të dobëta ndërsa policia ka shpallur në kërkim autorin.
Ngjarja ka ndodhur rreth orës 00.45 në një rrugë të fshatit Fushë Mavrovë në Vlorë. 18-vjeçari ndodhet aktualisht në gjendje të rëndë në spitalin e Traumës në Tiranë.
NJOFTIMI I PLOTE
Plagosi me armë zjarri 1 shtetas gjatë një konflikti për motive të dobëta, Policia identifikon dhe shpall në kërkim autorin e dyshuar.
Më datë 23.08.2020, rreth orës 00:45, në një rrugë të fshatit Fushë Mavrovë, pas një konflikti për motive të dobëta shtetasi Q. M (L), 36 vjeç, banues në fshatin Kotë, dyshohet se ka plagosur me armë zjarri shtetasin J. R., 18 vjeç, banues në fshatin Fushë Mavrovë, cili aktualisht ndodhet në Spitalin e Traumës Tiranë, në gjendje të rëndë shëndetësore.
Nga ana e Policisë Vlorë, po punohet intensivisht për gjetjen dhe kapjen e shtetasit Q. M(L) si edhe për sqarimin e plotë të rrethanave të ngjarjes.