Bashkia e Dibrës ka organizuar ditën e sotme një ceremoni në përkujtim të 23 Gushtit, Ditës së Çlirimit të Dibrës 76 vite më parë.
Në këtë ceremoni morën pjesë Kryetari i Bashkisë Dibër, Dionis Imeri, përfaqësues nga prefektura, deputetja e zonës Almira Xhembulla, Kryetarja e Këshillit të Qarkut, Valentina Haliti, veteranë dhe familje dëshmorësh.
Ceremonia është zhvilluar duke respektuar protokollin e distancimit fizik për shkak të pandemisë së shkaktuar nga sëmundja COVID-19.
Të pranishmit kryen homazhe në shenjë nderimi dhe mirënjohje për të rënët në Luftën për Çlirimin e Dibrës.
