Opozita organizoi sot një protestë në sheshin “Minatori” të qytetit Bulqizës. Këto tubime kanë për qëllim të sensibilizojnë mbështetësit e tyre për mitingun e 16 shkurtit.
Krerët e PD-së dhe deputetët e saj u shprehën se minatorët janë lënë pas dore, punojnë në kushte të vështira, nuk përfitojnë atë c’ka meritojnë, etj.
Por minatorët që morën fjalën në tubim, të gjithë pa përjashtim, bënë “tabelë qitje” krerët e dy sindikatave më të mëdha në vend, atë të Sindikatave të Pavarura, Gëzim Kalaja, dhe atë të Konfederatës së Sindikatave, Kol Nikollaj. Minatorët akuzuan dy kryesindikalistët se i kanë braktisur dhe nuk i kanë mbështetur në momente të rëndësishme.