Bashkia Mat ka angazhuar Ndërmarrjen e Shërbimeve Bashkiake për të përgatitur objektet shkollore për vitin e ri akademik.
Mësohet se është investuar në njësitë administrative Macukull, Derjan, Rukaj, Lis, Ulëz, Baz, Komsi dhe Burrel, në shkollat e ciklit të ulët, 9 vjeçare dhe të mesme. Kujdes është treguar edhe për objektet që do të frekuentohen nga parashkollorët.
Në një publikim të Bashkisë Mat thuhet se: “Shkollat, kopshtet, çerdhet e të gjithë Bashkisë Mat, janë gati të presin fëmijët. Gjatë muajit gusht punonjësit tanë kanë ndërhyrë për riparimin e të gjithë nyjeve sanitare, rrjetit elektrik dhe lyerjen e tyre.”
