Idriz Bathës i ka mjaftuar vetëm një sezon në radhët e Tiranës për t’u graduar kapiten dhe në konferencën e sotme para ndeshjes së rëndësishme përballë Crvena Zvezdës, ishte pikërisht lideri i mesfushës bardheblu ai që u shfaq në krah të Egbo. Për Bathën, të gjithë duhet të shijojnë përballjen me një ekip me histori, e jo ta shohin si një luftë politike.
“Nuk e shikoj fare si një luftë politike apo si thoni ju, është një ndeshje futbolli për ne. I vlerësojmë për atë që kanë bërë dhe do hyjmë në fushë për të dhënë maksimumin dhe shijojmë ndeshjen edhe pse nga vlerësimet që janë bërë jemi inferiorë.
Kapiteni? E ndiej që kam përgjegjësi për skuadrën dhe kam provuar ta mbaj këtë shirit, nder dhe privlilegj për mua. Kënaqësi e veçantë.
Çdo ndeshje ka peshën e vet, përpara kësaj ndeshje ishim fokusuar te ajo ndërsa tani te Crvena sepse vështirësia rritet. Luajmë në shtëpi dhe shpresojmë të bëjmë më të mirën. Jemi munduar që të mbajmë presion larg.
Shpresoj që të fitojmë nesër pastaj pak rëndësi ka se kush e shënon golin e fitores”, tha Batha në fjalët e tij.