Tirana ka humbur mbrëmjen e sotme me shifrat e ngushta 0-1 kundër Crvena Zvezdës. Bardheblutë treguan në fushë se meritonin kualifikimin, por fati i ndeshjes u vendos nga një episod i vetëm nga një goditje standarte. Shanset nuk munguan aspak për kampionin e Shqipërisë, që në fushë u duk më superiore se ekipi serb.
Edhe vetë presidenti Halili ka mbetur i kënaqur me paraqitjen e skuadrës së tij mbrëmjen e sotme. Loja ka qenë bindëse sipas tij, ndërsa premton se do të ketë afrime të reja në ekip për të vazhduar më gajtë udhën e tyre në Europë.
“Ne treguam një lojë bindëse, shumë të mirë ndaj Zvezdës. Tani do të bëjmë afrime të reja në skuadër. Mua më pëlqen serioziteti dhe mënyra sesi luajmë. Do ta vazhdojmë këtë rrugë të bukur që ne e kemi nisur, për të vazhduar me projektin”, ka thënë presidenti Refik Halili.