Policia e Lezhës bën të ditur se ka vënë në pranga një 42-vjeçar pasi ka dhunuar efektivët e policisë rrugore. Këta të fundit do i vendosnin atij një masë administrative për parakalim të gabuar, por ai ka dalë nga makina duke e dhunuar fizikisht njërin prej tyre. Efektivi tjetër kërkoi përforcime duke arrestuar personin në fjalë.
NJOFTIMI I PLOTE
Kundërshtoi me dhunë punonjësit e Policisë Rrugore, por arrestohet në flagrancë 42-vjeçari.
Specialistët për Hetimin e Krimit në Komisariatin e Policisë Lezhë, bënë arrestimin në flagrancë të shtetasit E.V., 42 vjeç, banues në Manati, Lezhë.
Në aksin rrugor Lezhë-Mabë, shërbimet e Policisë Rrugore, i kanë dhënë shenjë ndalimi për arsye se kishte kryer parakalim të gabuar dhe në momentin që punonjësit e Policisë Rrugore po i komunikonin shkeljen dhe do ti vendosnin masë administrative , ky shtetas ka dalë nga makina dhe ka dhunuar fizikisht punonjësen e Policisë.
Pas ndërhyrjes së menjëhershme të kolegut dhe të shërbimeve që shkuan në ndihmë të tyre 42-vjeçari është prangosur dhe shoqëruar në ambinetet e Komisariatit të Policisë Lezhë ku në përfundim të veprimeve të para hetimore, u bë arrestimi në flagrancë për veprën penale “Kundërshtimi me dhunë i punonjësit të policisë së rendit publik”.
Materialet hetimore iu referuan Prokurorisë së Rrethit Gjyqësor Lezhë për veprime të mëtejshme.