Një tjetër rast i dhunës në familje është shënuar në Fier, ku djali ka goditur me sende të forta të atin. Ky i fundit u dërgua në spitalin e qytetit ndërkohë që 37-vjeçari është arrestuar nga policia.
Ndërkaq, gjatë kontrollit autorit iu gjet edhe një thikë, dhe mbi të tashmë rëndon akuza e dhunës në familje dhe mbajtje pa leje e armëve të ftohta.
NJOFTIMI I PLOTE
Ushtroi dhunë fizike ndaj babait të tij, arrestohet në flagrancë nga Policia.
Specialistët për Hetimin e Krimeve në Komisariatin e Policisë Fier, arrestuan në flagrancë shtetasin:
O. T. 37 vjeç, banues në Libofshë, Fier.
Arrestimi i këtij shtetasi u bë pasi në banesë, ka ushtruar dhunë fizike ndaj babait të tij, shtetasit V. T., duke e qëlluar me sende të forta.
63-vjeçari ndodhet në Spitalin Rajonal Fier nën kujdesin e mjekëve.
Gjatë kontrollit personal, autorit iu gjetë dhe një armë e ftohtë(thikë).
Materialet i kaluan Prokurorisë pranë Gjykatës së Shkallës së Parë Fier për veprën penale “Dhunë në familje” dhe “Mbajtja pa leje e armëve të ftohta”.