Vizita private e presidentit kroat Zoran Milanoviç në Shqipëri më shumë se dy javë më parë vazhdon të jetë një nga temat kryesore në mediat vendase.
Ai përdori një jaht 39 metra të marinës kroate dhe një helikopter ushtarak për vizitën private ku takoi kryeministrin shqiptar Edi Rama. Mediat vendase bëjnë me dije se udhëtimi i tij në Shqipëri po hetohet nga Komisioni i Konfliktit të Interesit, i cili mori një raport anonim.
E përditshmja “Nova” konfirmoi nga Ministria e Mbrojtjes se Presidenti i Republikës Zoran Milanovi? kishte një anije ushtarake dhe një helikopter në dispozicion të tij nga 11 deri më 14 gusht kur doli dhe u kthye nga Shqipëria. Kostot totale të transportit arrijnë në më shumë se 100 mijë kuna (rreth 13 mijë euro), njoftoi Ministria e Mbrojtjes.