Antuan Grizman do ketë një rol më të rëndësishëm tek Barcelona nën drejtimin e Ronald Kuman pavarësisht nëse Mesi qëndron apo jo.
Sulmuesi francez ishte në listën e të paprekurve nga ana e presidentit Bartomeu, dhe biseda me Kuman rezultoi mjaft produktive.
“Ti e bëre tek Atletiko Madrid, do e bësh edhe tek Barcelona”, mësohet t’i ketë thënë Kuman Grizmanit sipas “L’Equipe”. Holandezi edhe në konferencën për shtyp tha se francezi duhej të kthehej në pozicionin natyral në sulm siç bënte tek Atletiko dhe siç bën tek Franca.
Këto bisedime mes trajnerit të ri të Barcelonës, Kuman dhe Grizmanit janë bërë para se Mesi të njoftonte largimin.