Në kuadër të operacionit të koduar ‘Porosia’ gjashtë persona janë arrestuar në Bulqizë për shpërndarje të lëndëve narkotike.
Të arrestuarit janë; Renato Allushi 22-vjeç, Denis Perkoxha 22-vjeç, Ramiz Perkoxha 24-vjeç, Ferdinad Maha 32-vjeç, Avni Doda 25-vjeç dhe E. Xh., 15 vjeç, të gjithë banues në Bulqizë.
Nga hetimet ka rezultuar se këta persona në bashkëpunim me njëri – tjetrin shpërndanin në doza të vogla të lëndëve narkotike në qytetin e Bulqizës dhe zonën përreth saj si dhe kishin tendencë kriminale për kultivim të bimëve narkotike.
Gjatë kontrolleve të ushtruara nga policia u janë gjetur doza me lëndë narkotike kanabis, gati për shitje, të cilat janë sekuestruar në cilësinë e provës materiale. Policia në bashkëpunim me Prokurorinë Dibër vijojnë hetimet për kapjen e autorëve të tjerë të përfshirë në këtë aktivitet kriminal.