Shënohet një ngjarje e rëndë në Greqi mëngjesin e ditës së sotme, ku një 59-vjeçar shqiptar ka goditur më thikë një infermierë në spital e më pas është hedhur nga kati i 4-t i spitalit, duke gjetur vdekjen në vend.
Policia greke tha se viktima quhet Petro Çako, 59-vjeç. Ai ishte i shtruar në spital për probleme që nuk kanë lidhje me covid, por dyshohet se ka pasur probleme psikike. Autoritet kanë sekuestruar kartelën e tij mjekësore dhe po hetojnë për shkaqet e tragjedisë.
Infermieria e plagosur,deklaroi se kishte shkuar në dhomën që mbahej pacienti Çako pasi kishte dëgjuar alarmin për ndihmë nga dhoma e tij.
Pasi mbërriti në dhomë,kuptoi se pacienti ishte fshehur mbas portës dhe në moment ka dalë duke e goditur me një thikë kuzhine e duke e plagosur në shpinë. Ajo ndodhet jashtë rrezikut për jetën.