Rezarta Shkurta ka publikuar në faqen e saj në Instagram, një letër që si duket i ka mbërritur në ‘inbox’ nga një qytetar, i cili ka qenë një djalë i ri në kohën e komunizmit e sot është bërë prind.
Ai e pranon që asokohe e ka urryer diktatorin, pasi nuk ndihej një njeri i lirë, donte të paguhej sa vendet e perëndimit, të blinte një makinë, të dëgjonte e të këndonte këngë të huaja.
Ai shkruan se kur vdiq Enver Hoxha, nuk qau, por përkundrazi, u tall nën zë. Sot ai pranon se ka shtëpi e makinë, por i mungojnë të tjera gjëra.
I mungon siguria për të ardhmen, për punën, për jetën apo për veset që mund të marrë si pasojë e përhapjes dhe “liberalizimit” të tyre. Më poshtë gjeni letrën e plotë:
