Shefi i OBSH, Tedros Adhanom ka bërë një paralajmërim për të gjitha shtetet që pavarësisht pandemisë po hapen dhe po lehtësojnë masat kufizuese.
Adhanom thotë se hapja pa vënë në kontroll pandeminë është një recetë për fatkeqësi.
Ai pranon tashmë që gjithë njerëzit duan të shohin fëmijë të kthehen në shkollë, apo qytetarë në punë por kjo duhet bërë më kujdes.
“Ne duam të shohim fëmijë që kthehen në shkollë dhe njerëz që kthehen në vendet e punës, por ne duam ta shohim atë të bërë në mënyrë të sigurt. Asnjë vend nuk mund të pretendojë se pandemia ka mbaruar. Realiteti është që ky virus përhapet lehtë. Hapja pa kontroll është një recetë për katastrofë.”- tha Adhanom.