Daniel Nikolla ka kryer studimet në Angli, aty ku edhe vazhdon karrierën me shumë sukses në fushën e marketingut. Së fundmi, 27-vjeçari është zgjedhur ‘Fytyra e së ardhmes e Shitjeve, Marketingut dhe Komunikacionit 2020’ në qytetin e Birmingemit, përballë katër finalistëve të tjerë.
Çmimet vjetore, të cilat organizohen nga Dhoma e Tregtisë së Birmingham-it përzgjedhin çdo vit profesionistët e rinj të vitit, bazuar në ecurisë e tyre personale e profesionale në vitet e fundit.
Video e prezantimit të çmimit:
Danieli drejton departamentin e marketingut në kompaninë Angleze Hardy Signs. Juria e vlerësoi mbi të tjerët për prezantimin e një strategjie të re të marketingut bazuar në transformimin digjital dhe krijimin e kontentit online. Ata u shprehën se Danieli ka pasur një ndikim shumë të madh në rritjen e shitjeve për kompaninë. Ai gjithashtu u vlerësua për punën në komunitet dhe mbështetjen e kauzave të filantropike.
Ai ka studiuar marketing dhe film në Londër dhe ka qenë President i unionit të studentëve të City and Islington College, ku edhe është përzgjedhur si ‘international student officer of the year’ nga kolegjet e anglisë në 2016.
Fillimisht ai u bë i njohur për publikun e gjerë shqiptar prej përfshirjes në videon e UEFA-s për tifozët kuqezi në “Euro2016”. Ai ka qenë finalist dhe ka fituar një seri çmimesh ndër vite, dhe në 2016-ën u vlerësua për ‘arritje të jashtëzakonshme’ nga Bashkia Islington në Londër.
Ndryshe nga cdo vit, këtë herë cmimet u zhvilluan online dhe mund të rishikohen këtu: https://livestream.com/accounts/1974077/events/9256208/videos/210379416 (minuta 54:51)