Kupa e Shqipërisë ka mbyllur raundin e dytë, me tetë ndeshje të luajtura në orën 13:30, sipas programit. Bie në sy përmbysja e Laçit me rezultatin 3-0 përballë Bylisit, që kishte fituar në ndeshjen e vajtjes. Sebastian Toro, që u mendua se do të largohej, protagonist me gol, ndërsa Shtupina hapi serinë e “trisit”.
Po në Grupin B, Kukësi me golat e Shkurtajt dhe Etemit thyen Apoloninë 2-0, në një ndeshje me emocione, pasi e para kishte mbaruar 2-1 në favor të fierakëve. Debutoi edhe Valdet Rama. Teuta e ka të lehtë përballë Lushnjes, duke shtruar poker. Protagonist Vecaj me dopietë. Ndërsa, supersfida në Vlorë është mbyllur me tension dhe ankesa për gjykimin. Tirana mbeti me dhjetë pas daljes me të kuq të Halilit, që pas 18 minutash lojë (ndërhyrje ndaj Kale), por sërish u kualifikua. Goli i vetëm i Gomesit në pjesën e dytë nuk mjaftoi për skuadrën e Ilir Dajës.
Në Grupi A, sakaq, Partizani ka shtruar “tris” me Hebaj, Mensah dhe Cinari, ndërsa Skënderbeu gjithashtu e imitoi me Vangjeli, Abazi dhe Krasniqi, duke kaluar më tej me lehtësi. Luftëtari u mjaftua edhe pa gola ndaj Egnatias, ndërsa rezultati surprizë erdhi nga Kamza, ku në një kaos financiar dhe protesta, gjetën forcën për të mundur Vllazninë 1-0 me golin e Bitrit, duke u kualifikuar më tej.
GRUPI A
Partizani-Kastrioti 3-0 (4-2)
Hebaj 34′, Mensah 60′, Cinari 64′
Skënderbeu-Besëlidhja 3-0 (2-1)
Vangjeli 57′, Abazi 72′, Krasniqi 84′
Luftëtari-Egnatia 0-0 (3-0)
Kamza-Vllaznia 1-0 (1-2)
Bitri 63′
GRUPI B
Kukësi-Apolonia 2-0 (1-2)
Shkurtaj 29′, Etemi 79′
Laçi-Bylis 3-0 (0-2)
Shtupina 9′ (p), Toro 26′, Gjoni 44′
Flamurtari-Tirana 1-0 (0-2)
Gomes 60;
(karton i kuq, Halili 18′)
Teuta-Lushnja 4-0 (3-1)
Vecaj 30′, 31′, Vila 50′, Latif 60′