Steroidët e lirë mund të shpëtojnë jetën e pacientëve që janë të sëmurë rëndë me Covid-19. Rezultatet e reja, të botuara në JAMA, tregojnë se tetë jetë do të shpëtoheshin për çdo 100 pacientë të trajtuar. Studiuesit thanë se gjetjet ishin mbresëlënëse, por steroidet gjithsesi nuk ishin ende një kurë për koronavirusin.
Në qershor, Mbretëria e Bashkuar gjeti ilaçin e parë – një steroid i quajtur deksametazon – që mund të shpëtojë jetën e njerëzve me Covid të rëndë. Studimi i fundit mbledh së bashku të gjitha provat klinike që përfshijnë steroid në pacientët me koronavirus në të gjithë botën.
Ai konfirmon veprimet e deksametazonit dhe se një tjetër steroid, hidrokortizoni, është po aq efektiv.
“Në fillim të vitit, nganjëherë ndihej gati e pashpresë duke ditur se nuk kishim trajtime specifike,” tha Prof Anthony Gordon, nga Imperial College në Londër.
“Ishte një kohë shumë shqetësuese, megjithatë më pak se gjashtë muaj më vonë kemi gjetur prova të qarta dhe të besueshme në provat klinike me cilësi të lartë se si mund ta trajtojmë këtë sëmundje shkatërruese.”
Rezultatet në 1,703 pacientë me sëmundje kritike treguan:
40% vdiqën kur iu dha vetëm trajtim standard
32% vdiqën kur ju dhanë steroid
Studimet ishin vetëm për pacientët e sëmurë rëndë në spital./BBC