Ambasadorja e SHBA-së në Shqipëri, Yuri Kim, ka zhvilluar një vizitë pranë Njësisë Detare të Guardia di Finanza-s në Shqipëri në Durrës, ku ka bërë një udhëtim të shkurtër me skaf, gjithashtu është pritur edhe Ambasadori i Italisë Fabrizio Bucci.
Vizita e sotme u zhvillua me synim informimin mbi aktivitetet e Misionit në Shqipëri dhe u vijoi më pas me një stimulim në det me mjete lundruese të Guardia di Finanza-s. Ambasadorja vizitoi edhe sallën operative të Autoritetit Portual në Durrës, në prani të Drejtorit Pirro Vengu.
Gjatë vizitës, Ambasadorja e SHBA-së përshëndeti edhe Autoritetin Portual Durrës dhe, në prani të Drejtorit Pirro Vengu, vizitoi edhe Sallën Operative të Portit.
Vizita e Ambasadores vijoi me një udhëtim me mjetet detare të Guardia di Finanza-s për të treguar mënyrën e zhvillimit të veprimtarive kundër krimit të organizuar në det të hapur.
Gjatë vizitës Ambasadorja Kim theksoi rëndësinë e bashkëpunimit ndërkombëtar në luftën kundër krimit të organizuar dhe trafikimit të lëndëve narkotike. Ambasadorja theksoi se si bashkëpunimi midis forcave të rendit të Shteteve të Bashkuara të Amerikës dhe të Italisë ka çuar në shumë operacione të suksesshme dhe deklaroi se Shtetet e Bashkuara shpresojnë të vijojnë bashkëpunimin me Guardia di Finanza-n dhe me agjenci të tjera italiane në të ardhmen.