Kryeministri Netanyahu ka deklaruar se Izraeli do të njohë Kosovën dhe të dy vendet do të vendosin marrëdhënie diplomatike.
Kështu raporton gazetari Barak Ravid, korrespondent i Walla News nga Tel Avivi
Lajmi erdhi vetëm pak minuta pasi presidenti i Shteteve të Bashkuara, Donald Trump, deklaroi se Kosova dhe Izraeli janë pajtuar të normalizojnë raportet dhe të vendosin marrëdhënie diplomatike midis tyre, raporton Reuters.
Trump bëri këtë deklaratë në Shtëpinë e Bardhë, ku u nënshkrua marrëveshja për normalizimin ekonomik ndërmjet Kosovës dhe Serbisë.
Kjo marrëveshje u nënshkrua nga kryeministri i Kosovës, Avdullah Hoti, dhe presidenti i Serbisë, Aleksandar Vuçiq, në Zyrën Ovale, në prani të presidentit amerikan, Donald Trump.