Presidenti i Amerikës Donald Trump, pas nënshkrimit të marreveshjes mes Kosovës dhe Serbisë nuk harroi t’i kthejë homologut të tij serb Aleksandar Vuçiç, dhuratën. Në fotot e publikuara nga mediat e huaja Trump i ka dhënë Vuçiç një stilolaps dhe çelësin e Shtëpisë së Bardhë.
Ndërkohë presidenti i Serbisë është shprehur se kreu i SHBA-së i ka lënë edhe një shënim në një letër ku i ka thënë se vetëm ai do të jetë në gjendje të futet brenda Shtëpisë së Bardhë.
“Ky është një stilolaps që unë kam marrë nga Donald Trump, vetëm ai ka nënshkruar me të, ndërsa ai më shkruajti një shënim në një copë letër. Kam marrë çelësat e Shtëpisë së Bardhë. Ai më tha: Kjo është për ty që të jesh gjithmonë në gjendje të hysh në Shtëpinë e Bardhë”, shprehet Vuçiç.
Pak orë më parë mediat serbe raportuan se Aleksandër Vuçiç kishte përgatitur një dhuratë për Donald Trump, që do të ishte një monedhë ari të Bankës Kombëtare të Serbisë me imazhin e Nikola Teslës.
