Një penallti e Rahem Sterling në minutën e 90 i siguroi Anglisë fitore në ndeshjen e pare në Ligën e Kombeve, në transferën kundër Islandës. Në një sfidë shumë të luftuar, që pa nga një futbollist më karton të kuq në radhët e secilit ekip, goli i Sterling në mbyllje të ndeshjes ishte ai që i mundësoi “tre luanëve” të merrnin fitore në këtë duel të parë e të evitonin një start problematik.
Portugalia nuk kishte në radhët e saj Kristiano Ronaldon, i ndalur nga një pickim blete. Por kjo nuk e ka ndalur skuadrën luzitane që të mundte pa shumë probleme Kroacinë me shifrat 4-1 në një ndeshje të dominuar ndaj ballkanasve të cilët nuk janë kthyer ende në ritmin e Botërorit të dy viteve më parë.
Fitore të thjeshta edhe për ekipet e tjera të mëdha, me Belgjikën e Francën që kanë marrë tri pikët që u duheshin për një start të mirë të këtij edicioni në Ligën e Kombeve ku kanë pretendime për të luftuar për trofeun.