Gjatë fjalës së tij në meshën e kësaj të diele, Papa Françesku u shpreh se thashethemet janë një murtajë me e keqe se Covid-19.
Papa Françesku u referohej thashethemeve që kanë si qëllim “ që të përçajnë Kishën Katolike.”
Gjatë fjalës së tij, Ati i Shenjtë la pas tekstin e përgatitur më herët për t’u fokusuar tek kritikat e tij të shpeshta rreth thashethemeve brenda komuniteteve të kishës dhe madje edhe brenda burokracisë së Vatikanit.
“Ju lutemi vëllezër dhe motra, le të përpiqemi të mos bëjmë thashetheme. Thashethemet janë një murtajë më e keqe se Covid. Më keq. Le të bëjmë një përpjekje të madhe: Pa thashetheme!”, u shpreh Papa.
Komentet e Françeskut pasuan një fragment të Ungjillit në lidhje me nevojën për të korrigjuar të tjerët privatisht kur ata bëjnë diçka të gabuar.
Hierarkia katolike ka kohë që është mbështetur në këtë “marrëveshje” vëllazërore mes priftërinjve dhe peshkopëve për t’i korrigjuar ato kur gabojnë pa transmetuar probleme në publik.
Të mbijetuarit e abuzimit seksual nga ana e klerit, kanë thënë se kjo formë e qortimit privat ka lejuar që rastet e abuzimit të shtohen.