Të tjera ndryshime vazhdojnë në televizionet shqiptare, ku lëvizjet e emrave të njohur nga njëri TV në tjetrin po bëhen të shpeshta. Ditën e sotme u bë me dije se veç gazetares Juli Xhokaxhi, ekranit të televizionit abc news do t’i mungojë edhe një tjetër figurë e dashur për teleshikuesit.
Burimet bëjnë me dije se gazetarja dhe moderatorja Mirela Milori nuk do jetë më pjesë e këtij televizioni.
Gazetarja ka dhënë dorëheqjen nga formati “Mbrëmje në ABC”, thuajse një vit pasi nisi paralelisht nisi të drejtojë edhe emisionin “Historia ime” në tv Klan.
Mësohet se gazetares Milori i është kërkuar të zgjedhë mes Klanit dhe abc news, ndërsa si duket ka preferuar të shfaqet në ekranin e tv Klan tashmë vetëm si drejtuese emisioni në Tv Klan.
Të njëjtët burime konfirmojnë se në vendin e saj do të vijë gazetarja Joninda Shehu.