Kompania ‘Pfizer dhe BioNTech’ janë të bindura se mund të kenë një vaksinë kundër koronaviruit nga mesi i tetorit ose fillimi i nëntorit. Lajmin për këtë e ka bërë të ditur CEO i BioNTech dhe bashkëthemeluesi Ugur Sahin, ditën e sotme ku është shprehur se vaksina që po zhvillohet në këto kompani është perfekte.
“Unë e konsideroj këtë vaksinë gati të përsosur,”– tha Sahin në një intervistë ekskluzive për CNN.
Gjigandi amerikan i ilaçeve ‘Pfizer’ dhe firma gjermane ‘BioNTech’ thonë se ata planifikojnë të sigurojnë 100 milionë doza të vaksinës, BNT162, deri në fund të vitit dhe deri në 1.3 miliardë doza në vitin 2021.