Eksperti i ekonomisë pranë Partisë Demokratike, Dorian Teliti, ka reaguar për ndryshimin e miratuar së fundi nga qeveria për ligjin mbi ushtrimin e veprimtarisë së lojërave të fatit.
“Rikthim në “skenën e krimit”…
Plot dy vjet më parë, nga foltorja e Parlamentit të deligjitimuar, KM deklaronte: …kázinotë do të jenë të mundura vetëm për hotelet me 5 yje, asnjë lëshim, në asnjë hapësirë tjetër.
Dhe si çdo premtim i Edi Ramës, edhe ky u tret në pluhurin e harresës dhe të interesave të oligarkëve të tij. Sot, dy vjet më vonë, ndonëse në një kohë që BE ka futur Shqipërine në listën gri për pastrimin e parave dhe ka nënvizuar lojrat e fatit si një nga mënyrat se si pastrohen paratë, Rama në nxitim e sipër, në muajt e fundit të qeverisjes së tij agonike, rikthen në lojë kazinotë në zemër të Shqipërisë, në qëndrën historike të Tiranës.
Nuk mendojnë as edhe një sekondë si të ndihmojnë mijëra bizneset që po falimentojnë, apo si të mbështesin sadopak qindra mijëra njerëz që kanë humbur vendin e punës dhe sot vuajnë për bukën e gojës, por çdo gjë në funksion të groposjes së Shqipërisë edhe më shumë në vorbullën e parave të pista, me të njëjtët dhe për të njëjtët që dje u hoqi TVSH-në për jahtet, dhe u uli e qeranë e pronave shtetërore.
Deri në ditët e fundit qeveria më e dështuar dhe e kórruptuar në rajon e më gjerë, punon për të njëjtët grusht klientësh, por asnjëherë për shqiptarët.
Koha t’i japim fund kësaj zhvátjeje të xhepave të njerëzve dhe pasurive publike”, shprehet ai.