Policia ka arrestuar një 27-vjeçar pasi ka goditur me grusht në kokë një 34-vjeçare. I riu e përndiqte gruan prej gjashtë muajsh duke i krijuar ankth dhe frikë.
A.T., 27 vjeç, goditi shtetasen L. B., në rrugën “Demokracia”.
Arrestimi i të riut u bë në flagrancë nga policia.
Njoftimi i policisë:
Specialistët për Hetimin e Krimit në Komisariatin e Policisë Nr. 5 bënë arrestimin në flagrancë të shtetasit të shpallur në kërkim A. T., 27 vjeç, pasi në rrugën “Demokracia“, ka goditur me grushte në kokë shtetasen L. B., 34 vjeç, të cilën kishte 6 muaj që e përndiqte duke i krijuar ankth dhe frikë.