Drejtori i Spitalit të Kavajës, Përparim Daiu ka ridhënë sot dorëheqjen. Katër muaj më parë iu drejtua me një shkresë dorëheqje Ministrisë së Shëndetësisë, por ajo nuk iu pranua.
Daiu ka deklaruar se dorëheqjen e tij e kanë dashur edhe drejtuesit e pushtetit lokal dhe për të mos e shkarkuar ata, e dha vetë dorëheqjen.
“Po e vërtetë, kam dhënë dorëheqjen. Dorëheqjen e kam dhënë për arsye personale, por edhe drejtuesit e pushtetit lokal e dëshironin këtë gjë dhe për të mos i lënë atyre mundësinë e shkarkimit dhashë dorëheqjen 2 ditë më parë” ka thënë Daiu sonte për mediat.