Alketa Vejsiun me siguri do ta shikojmë në Sanremo 2021, të paktën kështu shkruan e përjavshmja ‘Chi’ këto ditë. Në faqet e revistës lexojmë se prezantuesja shqiptare do të kthehet në Festival vitin e ardhshëm me një rol të sajin ende të pazbuluar.
Dhe jo në krah të Amadeos, por për Alketën parashikohet një hapësirë vetjake, të cilën prezantuesja do të mund të shfrytëzojë sipas dëshirës, brenda njërës nga 5 mbrëmjet e Festivalit.
“Prezantuesja shqiptare Alketa Vejsiu, e pranishme vitin e kaluar në Festivalin e Sanremos, do të jetë në mesin e aktorëve edhe në edicionin tjetër, me një rol të vetin”, lexohet në faqet e së përjavshmes Chi- shkruan Optimagazine.